分享題目: 快餐
好耐都冇寫Blog. 一寫就係CCF度Sharing. 神真係好, 查完經先分享, 一定唔會冇野寫.
查經時, Agnes開頭問我地禱告既情況, 我自己最好既時候就係初信, 一日祈幾次, 每次半個鐘, 有時仲要一個鐘, 係低潮時, 就好似食快餐咁, 睡前禱告, 用"膚淺"(ah喜金句)既開頭, 繼而"寒酸"(ah喜金句)幾句, 不到三分鐘就死左, 而靈命就好似迴轉壽司咁, 轉下轉下, 舊靈命時遠時近, 有時, 可能比人食左, 再要等一段時間先"返來"(鄉下音), 咁我係最差時, 神都有聽我禱告, 佢真係對我好好.
呢章尾尾講到, 尼希米係王信任既酒政, 高高在上, 都為神做合宜和專一既事奉, 唔知點解我就唸起韋小寶, 佢雖然為皇上做事, 但亦為天地會去努力辦事, 雖然係二五左少少, 同尼希米就冇得比, 但比起我就差唔多, 我有時都會做下二五仔, 對神好時, 亦都遠離唔倒世界, 請問大家有冇同感呢?
ah尼生求享通係為左神既工作, 我唸祈禱最好唔好為一己私利或榮辱, 要為神既工作, 求神去成就我地, 唔好自己唸灑野!
最後送四個祈禱需知比大家: 敬. 認. 感. 求 - 敬拜(讚美) . 認罪. 感恩. 祈求
我都要好好咁將快餐變成常餐再變為全餐.. 你地都可以幫倒我, 講D需要比我去祈, 最好迫切D, 多D野講就唔洗食快餐啦! 好似尋日就收倒一封prayer request. OK滿意自己既祈禱!
Agnes and Julia, 我覺得寫blog分享幾好, 又再一次提醒自己, 讀經文幾次, 唸一次, 寫一次, 睇幾次先send.
仙娜
Subscribe to:
Post Comments (Atom)
No comments:
Post a Comment