鄉村姑娘

4/25 - 係祈禱會入面, 竟然聽倒一個驚人既分享, 好想分享比大家聽, 有一個住係中國既鄉村姑娘 (她本人), 日拜夜拜不同既佛或一些東西, 有一日, 佢覺得呢D所有既野都幫唔倒佢, 於是佢穿洲過省, 去到一個新既地方居住, 係o個邊識左一個鬼佬, 仲教佢英文, 令佢非常高興, 點知有一日鬼佬同佢講耶穌, 佢心裡很憤怒, 對佢黎講都係拜其他神佛, 好討厭, 但又想同鬼佬繼續來往, 無幾耐鬼佬都冇乜教佢英文, 冇辦法之下就想慢慢疏離, 有日鬼佬約佢去睇戲, 勁開心la, 點知去左個朋友屋企睇耶穌傳, 話要換帶睇等二樣, 但鬼佬當聽唔倒, 佢叫兩個姐妹黎同佢一齊睇, 結果佢同另一個姐妹都受感動, 接受左主耶穌, 佢仲話要影低耶穌個樣放係個袋度, 咁耶穌就常常同佢一齊, 鬼佬話妳放耶穌在妳心中就得la.. 用相就好似妳以前拜神佛一樣, 我地神唔需要咁做, 過左冇耐鬼佬向佢求婚, 佢心裡非常高興同求之不得, 但佢反問你喜歡我什麼? 你係大學生, 我係無文化既鄉村姑娘, 佢話無問題呀! 喜歡妳因為妳美麗善良, 一聽到美麗就知佢係從神而黎, 於是就應承左, 佢覺得自己好幸福, 神對佢真係好, 神將佢從糞淮裡提起來, 結婚只要請屋企人, 親戚食餐簡單飯就可以la..但佢地一定會拜呢拜lu個wow.. 鬼佬當然唔想la... 係未解決既時候, 佢睇倒聖經, "除了我以外、你不可有別的神", 於是, 佢話走la.. 離開中國, 乜都唔洗做, 鬼佬好奇, 頭先先話要請食飯, 依家話要即刻離開, 佢仲話以後都唔再返黎tim... 到左美國, 都住左幾年時間, 有5,6 個仔女, 神好似想佢返中國, 佢話去讀神學, 人地話佢妳冇文化ga..當時佢仲未去面談做公民, 因英文唔好唔敢去, 佢就問神, 如果你想我返中國, 就比我順利過關la... 去到移民局, 個官只係同佢閒談幾句, 跟著就寫左個PASS, ok la... 妳可以走la.. 佢知道好明顯係神既安排, 於是, 佢就同老公返去中國, 仲去左以前住既鄉村, 帶左好幾個人信主, 佢話係我D鄉村人同佢地講先至有效, 唔通叫D博士去講咩! 同聲同氣ma.. 佢地依家打算再去D冇宣教士去既地方傳福音, 大家聽完都好感動, 神所造既一切, 實在太令人意想不到, 由有一個冇文化既鄉村姑娘成為一個又幸福, 又不斷去傳福音既基督徒.真係利害!!

李杭頤